Ivèrn

Lo carnaval de Caurs

Caurs qu'a fotut l'Òlt per son còl

Per aver mens fred jos l'ivèrn,

Gaita la néu en parpalhòls

Que vòla dins lo vent del ser.

Pels ostals catats de blancor,

los vielhs parlon de la velhada

mas lo temps tan clar de l'amor

a fugit lonh amb las annadas.

Las catas que raunon defòra

pr'aquò me rapèlon los bals

E dins mon còr que se colòra

Tòrna l'èime de Carnaval.

Dins tot Caurs, fasèm de rambalh

amb de farandòlas polidas

E dusc'al cant guèrlhos del gal,

lausenjam l'Amor de la vida

Jòan Jacme Delmàs